តាចេក ថ្ងូររឿងប្រពន្ធមានជំងឺសរសៃប្រសាទ
លោក ឈុំ ប៊ុនឈឿន ហៅតាចេក និងភរិយា (វង្ស សុម៉ាលីន)
ក្នុងកិច្ចសម្ភាសន៍បន្តផ្ទាល់របស់កម្មវិធី «កិច្ចសម្ភាសន៍តារាសិល្បៈ» កាលពីយប់ថ្ងៃទី១០ សីហា លោក ឈុំ ប៊ុនឈឿន ហៅតាចេក បានត្អូញត្អែរថា លោកមិនត្រឹមតែជាតារាកំប្លែងល្បីឈ្មោះដែលក្រប៉ុណ្ណោះទេគឺស្ថានភាពសរសៃប្រសាទរបស់ភរិយាលោកដែលបានធ្វើទុក្ខណាស់ដែរ។
លោកបានបង្ហាញពីភាពអស់សង្ឃឹម ប្រសិនបើកម្លាំងរបស់លោកសម្ដែងលែងបាននិងបន្តរុញរទេះឈរលក់ទឹកសុទ្ធនៅលើបណ្ដោយផ្លូវជាតិលេខ២លែងកើតដូចបច្ចុប្បន្ន។ នាយចេក និយាយថាដ្បិតថាលោកមានឱកាសបានសម្ដែងក្នុងក្រុមកំប្លែងនាយកុយ តែប្រាក់ចំណូលរបស់លោកមិនអាចផ្គត់ផ្គង់តម្រូវការប្រចាំថ្ងៃបា
នទេដោយសារតែតម្លៃខ្លួនក្នុងក្រុម គឹលោកត្រូវបាននាយកុយផ្ដល់អោយក្នុងកម្រិតមួយ ហើយបានសម្ដែងតែ២ដងក្នុងមួយសប្ដាហ៍ ខណៈដែលការសម្ដែងនៅខាងក្រៅប៉ុស្ដិ៍ជាពិសេសនៅតាមខេត្តដែលទទួលបានកម្រៃច្រើន គឺលោកសឹងនឹងអត់មានសោះ។
ក្នុងនោះសម្រាប់ឱកាសច្រៀងការកាត់សក់ ក៏លោកមិនសូវទទួលបានច្រើននោះដែរ ដោយសារតែទីផ្សារតារាថ្មីធ្វើអោយលោកក្លាយជាតារាដែលមហាជនចាប់ផ្ដើមភ្លេចឈ្មោះជាបណ្ដើរៗ។ អ៊ីចឹងហើយទើបលោក
និងភរិយា ត្រូវបង្ខំចិត្តសុំដីគេនៅជាប់ផ្លូវជាតិ២ដើម្បីដាក់រទេះលក់ទឹកសុទ្ធ និងភេសជ្ជៈរាល់ថ្ងៃ គ្រាន់បានកម្រៃបន្ថែម។
លោកថាផ្ទះរបស់លោកស្ថិតនៅចម្ងាយប្រមាណជា៣ទៅ៤គីឡូពីទីតាំងលក់ ដោយក្នុងមួយថ្ងៃលោកត្រូវអូសរទេះទៅមកៗ ព្រោះតែអត់កន្លែងទុកដាក់នៅនឹងដីដែលគេអោយលក់នោះទេ។ ក្នុងមួយថ្ងៃលោកថាទទួលបានប្រាក់កម្រៃចន្លោះពី២ម៉ឺនទៅ៥ម៉ឺនរៀលពីការលក់ទឹកសុទ្ធ ដោយថវិកាទាំងនោះត្រូវចំណាយក្នុងផ្ទះនិងបង់ធនាគារដែលលោកបានខ្ចីយកមកទិញម៉ូតូអោយកូនជិះរៀននិងសង់ផ្ទះនៅជារៀងរាល់ខែ។
លោកថាខ្លួនក្រដោយសារតែកូនទាំង៦គឺសុទ្ធតែក្រ ដោយសារតែកូនធំៗ៤នាក់ គឺមានមុខរបរត្រឹមតែជាអ្នកឡើងឆ្នោត ជាអ្នកស៊ីឈ្នួលដាំដំឡូង ជាកម្មករសំណង់ និងធ្វើការរោងចក្រដោយកូនៗបែកចេញទាំង៤ បើទោះជាលោកបានរៀបការអោយការហើយ ក៏នៅតែមករកលុយលោក។
ជាក់ស្ដែងលោកត្រូវរាប់រង ចិញ្ចឹមចៅដែលជាកូនរបស់កូនប្រុសស្រីរបស់លោក ព្រោះតែពួកគេខ្វះខាត
ដោយក្នុងផ្ទះរាល់ថ្ងៃមានបន្ទុកសរុបទាំងកូន២នាក់ក្នុងបន្ទុកផង គឺមានចំនួន១០នាក់។ យ៉ាងណាមិញ
លោកថាបន្ទុកដែលមានរាល់ថ្ងៃមិនធ្វើអោយលោកអស់សង្ឃឹមប៉ុន្មានទេ ប៉ុន្តែអ្វីដែលលោកស្មុគស្មាញជាងគេ
គឺជំងឺសរសៃប្រសាទរបស់ភរិយា។
លោកថាប្រពន្ធក្រោយរបស់លោក តាំងពីដួលបោកក្បាលក្នុងហេតុការក្រឡាប់រម៉កម្ដងមក គឺមានជំងឺមិនប្រក្រតីនោះទេ ដោយឩស្សាហ៍ឈឺ ហើយធ្វើទុក្ខពិបាកមិនសូវទៀងពេល។ ពេលខ្លះអ្នកស្រីឡើងកំដៅ
និងមានសភាពមិនស្រួលត្រូវបញ្ជូនទៅពេទ្យភ្លាមៗនិងត្រូវពិបាកអោយលោកត្រូវចំណាយពេលមើលថែនោះផង។
លោកបង្ហាញពីការអស់សង្ឃឹមនៅពេលលើកឡើងពីរឿងនេះ ជាពិសេសនៅពេលភរិយារបស់លោកក៏មានជំងឺលើសជាតិស្ករនិងមានបញ្ហាសតិអារម្មណ៍ធ្វើទុក្ខម្ដងៗ។ លោកថាពេលខ្លះមិនសូវចង់ទុកភរិយាអោយនៅតែឯងនោះទេ ដើម្បីកុំអោយធ្វើទុក្ខហើយមិនមានអ្នកចេះមើលថែដែលនាំភរិយារបស់លោកឡើងធ្ងន់។
លោកថាអ្នកសិល្បៈមួយចំនួនគេមានតែគេថ្ងូរដើម្បីបានជំនួយ ប៉ុន្តែសម្រាប់រូបលោកគឺមិនស្ថិតនៅក្នុងជំពូកនោះឡើយ ដោយលោកប្រកាសថារាល់អ្វីដែលលោកបាននិយាយគឺសុទ្ធតែពិតទាំងអស់។ លោកថាការងារសិល្បៈនាពេលចុងក្រោយ គឺនៅសល់មិនដល់១០ភាគរយនោះទេ ក្នុងចំណោម១០០ភាគរយដែលលោកធ្លាប់បានទទួលកាលពីអំឡុងឆ្នាំ២០០៥ ដល់២០០៧។ យ៉ាងណាមិញ លោកថាបើទោះជាការងារសិល្បៈអំឡុងពេលនោះក៏មិនជួយអោយលោកបានចំណូលច្រើនដែរ ដោយសារតែលោកដ្បិតថាបានចេញសម្ដែងច្រើន តែតម្លៃខ្លួនគឺទទួលបានទាបបើធៀបនឹងតារាល្បីរួមក្រុម។
អ្នកស្រី ជា សារ៉ន ភរិយានាយចេក បានអះអាងថាតាំងពីអ្នកស្រីមានគ្រោះថ្នាក់ចរាចរណ៍ម្ដង បណ្ដាលអោ
យបោកក្បាលធ្ងន់ធ្ងរនោះមក គឺអ្នកស្រីរមែងមានអាការៈធ្វើទុក្ខនាពេលចុងក្រោយ ជាពិសេសគឺមានសភាពចង់សន្លប់ និងឈឺក្បាលខ្លាំងៗម្ដងៗ។
ជាក់ស្ដែងក្នុងពេលអ្នកស្រីត្រូវដឹកបញ្ជូលពេទ្យកាលពីមួយរយៈពេលមុន គឺសូម្បីតែមានជំងឺត្រូវវះក៏វះមិនកើតដោយសារតែជាតិស្ករឡើងខ្លាំង។ អ្នកស្រីសារភាពថាហេតុផលដែលជំងឺធ្វើទុក្ខរាល់ថ្ងៃ គឺដោយសារតែពេលគ្រោះថ្នាក់ភ្លាមៗ អ្នកស្រីមិនដែលបានទៅពិនិត្យពេទ្យនិងក្រោយៗមកពេលជំងឺធ្វើទុក្ខល្មមៗក៏មិនសូវបានទៅពេទ្យ។
អ្នកស្រីនិយាយថាគ្រួសារតាំងពីដើមរហូតដល់បច្ចុប្បន្នគឺមានសភាពក្រលំបាក និងបានត្រឹមតែមួយគេរៗប៉ុណ្ណោះគឺមិនសម្រាប់ការព្យាបាលទើបអ្នកស្រីចេះតែធ្វើទុក្ខធ្ងន់ដោយសារឈាមកកនៅក្នុងសរសៃខួរក្បាលក្នុងពេលក្រឡាប់រទេះ។
នាយចេក និយាយថាហេតុការក្រឡាប់រទេះនោះ គឺតាំងពីពេលដែលលោក និងភរិយានៅរកស៊ីដើររើសអេតចាយនិងទិញអេតចាយនៅឡើយ ដោយការក្រឡាប់រម៉កពេលនោះ គឺលោកមិនមានលុយមើលភរិយាអោយបានដិតដល់នោះទេ ហើយដោយសារតែការធ្វើទុក្ខក៏មិនសូវស្ដែងឡើងផង ទើបលោកចេះតែហីៗ
ហើយទាល់តែអ្នកស្រីធ្វើទុក្ខខ្លាំងៗទើបយកទៅពេទ្យនិងទិញថ្នាំអោយលេប។
លោកអះអាងថាស្ថានភាពធ្វើទុក្ខរបស់ភរិយាទើបតែកើតមានឡើងប៉ុណ្ណោះ ដោយស្ថានភាពមិនប្រក្រតីរបស់អ្នកស្រីគឺមានសភាពស្របគ្នានឹងជំងឺទឹកនោមផ្អែមនិងជំងឺចាស់របស់អ្នកស្រីផងដែរ។ យ៉ាងណាមិញ
លោកថានឹងប្រើអោយអស់លទ្ធភាពដើម្បីរកលុយមកព្យាបាលភរិយានិងបង់រំលោះបំណុលធនាគារបើទោះជាចំណូលសិល្បៈរបស់លោកធ្លាក់ចុះមិនដូចមុន៕
This comment has been removed by the author.
ReplyDelete